الحقيقه

الحقيقه ... انا مش عارف اقولكم ايه , بس لازم اكلم , علشان انا زي تمنين مليون مصري , نفسي اكلم , نفسي اقول لا ونفس اقول اه و انا راضى , مش مهم انا مين ولا المهم انا ايه , لانى انا نسيت انا ايه اساسا , وحتى بطلت احاول انى اعرف انا ايه فى البلد دي , لانكم عارفين , اللى يفكر يرفع مرخينو فوق , اقل امين شرطه ممكن ينزلهالو , بس انا الحمد لله , انا بره الموضوع , بس مش باره الموضوع يعنى مش شغال دماغى , لا انا بره الموضوع علشان انا بره مصر ونفسي ارجعها تانى , بس ارجع الاقيها حلوه , العقل بيقول كده , مش ارجع اقلاقيها زي ما هى , بزبالتها وقرفها والعجل اللى مرمي فى قصر العروبه ,

نفسي يا مصر , اقول عليكي فعلا بلاد الديمقراطيه, اقدر امشي
فى الشارع من غير ما يجى واحد يقومنى ويفتشنى ويشتمنى ويهانى , الحمد لله انه محصلش معايا قبل كده بس شوفت
اللى اسواء من كده ,البلاوي اللى بتحصل من امناء الشرطه والظباط وكلها مصرح بيها من المجلس الاعلى للعنايه بالعجل بتاع قصر العروبه, امين الشرطه من دول تحس انه مش مصري , او عايش فى الدور زياده يعنى , يكون زي ما يكون محزم دماغه اول ما ياخد الامر , على طول ينافز من غير تفكير وساعات يعمل بزياده شويه , هى مش شويه لا هى كتير وساعات اكتر , زي الحادثه اللى حصلت عند نادي القضاه ,
القضاه عملين مظاهر سلميه زي مبيسمواها , ماشى كويس , وكان فيه واحد معلق علم مصر كبير اووي على السور وهما كلهم حولين السور وبيهتفوا هتاف عادي خالص , الناس لاشتمت حد والا قلت ادابها على حد , المهم مره واحد الامن المركزي , قولنا كويس الامن المركزي بيأمن المظاهره , وحبه حبه وهوب شوية ناس لبسه ملكى ( البس العادي ) و كانهم شويه بلطجيه وهما اساسا ظباط امن دوله
هوب مره بمره , واقدم وانا اللزق فى الحيط , المهم حصار والا زي مايكون كمين , والناس دول قضاه يا رجاله . احنا بقا مبنعرفش لا قضاه والا مواطنين , والحمد لله شويه البلطجيه او كلاب الحكومه , لمت المظاهره , ماشي مش مهم , اللى همنا بقا ان بعد ما تمت العمليه , يجيلك امين شرطه ابن ........ يقوم ماسك الاعلام وخلافه تقطيع زي ما يكون بروح امه اسرائيلى مش مصري , طب انتم يا ولاد الرما بعد مفضيتوا المولد ريح بروح امك تمسك العلم اللى انتا كانت بتقف زي الكلب تحته ,,,, يعنى انتم يا رمم مش عايزين تعقلو ,,, يعنى انا اعمل ايه لما اكون قاعد بعيد عنكم فى امان الله وهوب يجيلى واحد من اندونسيا والا منغولياوالا فيتنامين ويحب يعرف حاجه عن مصر , اول ميدخل اسم مصر على اليوتوب , يظهارلو بلاوي الحكومه , الناس تتصدم , ويقولولى ايه ده , هو انتم فى بلادكم بتعملو كده , اكسف واحاول اتووه على الموضوع , ولما الاقيه مصمم اووي انه يستفسر , اقوم انا كمان مدخل اسم بلد ه على اليوتوب , على اساسا هتزلنى هزلك , الاقى بلده ملاقيش حاجه اخر ما ازهق اقوم ( فراشلوه الملايه ) واقولو يعنى انتم فى بلدكم مبتعملوش كده على الاقل احنا عندنا رائيس زي العسل لا عمره كان عنده تشريفه والا حتى ساكن فى قصر عامل زي ممكله (the lord of the rings) لا تعرف تخوشها والا تعرف حتى تبوص من بعيد عليها , والحمد لله كلهم بقابله فى شارع وهو رايح السوق
, يقولولى بجد , بس احنا بنسمع على الدول العربيه كل يوم فى التلفزيون وعمرنا ما سمعنا رئيس عربى كلام زي ده
شوفو الكسوف بقاا ) اقولهم لا يا جماعه متصدقوش التلفزيونات والحاجات ديه وعلى طول اعمل عبيط واشغل نفسى باي حاجه
اتمنى يا حسنى انى اقبلك ولو مره فى السوق والا حتى ماشى فى الشارع من غير عربيه والا سطر العربيات اللى وراك واللى قدامك والا اللى جانبك و الا اللى حاوليك , والا من الغير القناصه اللى على البيوت والا من غير العساكر الغلابه واللى بيقفوا قبل ماتعدي من الشارع باسبوع
زيهم زي عواميد النور .
اقولك ياعم اعمل اللى تعملو بقااا , انا زهقت من اول كلمه بكتبها فى المدونه .,, جاتك 73 نايييييييييله ... على راي مسلسل ( يتربوا فى عزو ) .......................... والسلام ليس ختام